Arquivo para a categoría ‘Novas’

 

Andrés Herrera volve pór a vestimenta de Pájaro para lanzar o seu novo traballo ‘Santa Leone’. Este rockeiro, que xa estivo con Silvio en Sacramento, con Brigada Ligera, Pata Negra ou Kiko Veneno, trae a terras mecas o seu novo álbum presentado no Festival Monkey Week.

Un novo venres, e tras o paso dos mecos Los Thyssen e os mallorquíns Beach Beach, chega ao Twist & Shout un veterano da guitarra: Andrés Herrera. Rock, surf, swing, blues ou spaguetti western son algúns dos estilos que se atopan no seu traballo.

‘Santa Leone’ conta coa colaboración de músicos coñecidos coma Gecko Turner ou Julián Maeso e o seu paso polo Twist & Shout vén confirmar a aposta da sala pola música ao vivo e de calidade, amais de resucitar as noites de venres na península de O Grove.
TWIST & SHOUT (Rúa Jaime Solá Mestre número 9. O Grove)
23:30 horas. Venres 11, entrada: 5 €
Máis info: http://pjaro.bandcamp.com/

This slideshow requires JavaScript.

-O pasado 6 de abril púxose a venda “MMXXII”,  o novo traballo discográfico dos veteranos Killing Joke. O traballo está dispoñible en versión dixital, en CD e tamén en vinilo para os fans máis entusiastas. A continuación podedes ver o primeiro videoclip dun tema extraído do mesmo.

-O vindeiro 3 e 4 de agosto do presente ano, celebrarase en Bueu o XI Festival  SonRías Baixas no Recinto Multiusos da Estacada de Bueu(Pontevedra), organizado un ano máis pola asociación Troula na Banda. Este ano anuncian xa a participación dos reunidos Herdeiros da Crus e dos cataláns La Pegatina, aos que se sumaran 8 bandas máis todavía por confirmar. Dende o pasado 30 de marzo están xa dispoñibles os abonos para os ous días do festival, cun  prezo de 15€ máis gastos, en Ticketmaster e Codetickets. Máis info en www.sonriasbaixas.info.

-O vindeiro venres 19 de maio estarán The Brosas xunto con Infección e Zigua no Sweet01 de Xixon  a partires das 21:30 horas e cunha entrada de 3€.

-Xa se pode escoitar despois de 15 anos de agarda, un novo tema de Soundgarden que irá incluído na banda sonora de The Avengers, “Avengers assemble”.  A BSO verá a luz o vindeiro 24 de abril, e o tema  titulase “Live to rise”; se queredes saber a miña opinión persoal, se todo o seu novo disco segue esa onda, o mellor que puideron facer era non terse reunido xamais. Podedes escoitalo tema a continuación nunha captura de non moi boa calidade, pero é o que hai.

-Xa está na rúa “Flechas cardinales, o primeiro traballo discográfico de Barricada sen  Enrique Villarreal, “El Drogas”, na súa formación. O videoclip do primeiro single, “Punto de mira”, podedes visionalo deseguido.

Aquí podedes botarlle unha ollada ao cartaz da XVII edición do Derrame Rock na que será a segunda vez do festival en terras  galegas, e  que contara cunha representación de bandas da terra.

– A edición portuguesa do Primavera Sound, o Optimus Primavera Sound, xa ten confirmadas máis de 50 bandas, podedes ver aquí a listaxe.  Lembrade que o evento terá lugar en Porto entre o 7 e o 10 de xuño.

Galizamusica é unha distribuidora alternativa  de música e merchandising de bandas galegas que se expresan na língua propia, e que se apoiades a nosa música, non debedes deixar escapar a oportunidade de botarlle un ollo ao seu catálogo.

Músicaengalego é unha web de promoción e difusión da música da nosa terra e no noso idioma, que conta tamén cunha radio na que poderas escoitar música no idioma de Castelao durante as 24 horas do día.

Pois ben, agora Galizamúsica e Músicaengalego comezan unha nova etapa de colaboración conxunta, como dín eles mesmos, “a prol da nosa música”.

-Pouca broma coa xente do Resurrection Fest, na súa web teñen pendurado o que será o cartaz (aínda non definitivo) de bandas que estarán tocando en Viveiro entre o 2 e o 4 de agosto do presente ano. Suicidal Tendencies, Hatebreed, Descendents ou At the gates son algunhas delas.

-Lembrade que este 31 de marzo temos tod@s unha cita na Sala Capitol de Compostela, onde Ruxe-ruxe presentaran o seu novo traballo discográfico(” Máis cancións sobre toxos, cardos e silveiras”)na compaña de Medomedá. A cita será as 21:00 e a entrada 5€ anticipada sen Cd, 10 € anticipada con Cd, e 12€ en taquilla co Cd.Deseguido podedes mirar o clip do seu novo tema “Adiante”. Máis info en http://www.ruxeruxe.com/

-Estas son as vindeiras datas de presentación do “Importame merda”, o novo disco de Kästoma que podedes descargar de balde dende aquí.

30 Marzo - ALDÁN - Pub Dous de Maio
7 abril - MALPICA - Pub Leño
14 abril - MEIRAMA - Salón de Festas
27 abril - CARBALLO - Pub A Reserva
18 Maio - FISTERRA - Pub Boulevard
Máis info en http://kastoma.com/

-O novo disco de Zenzar titularase “Vaise Armar”, sairá á venda en maio e será presentado na Sala Josfer(entre Ordes e Carral). En breve poderedes escoitar algún adianto e nos darán mais datos da presentación oficial e doutros concertos xa confirmados. Máis info:http://www.zenzar.info/web/

-Munster Records editan unha serie de singles moi interesantes que envían a aqueles que estén suscritos o seu CLUB DEL SINGLE(coma é o meu caso), pero que tamén se poden mercar, por exemplo, na súa web. Por exemplo, os cinco temas (inéditos no seu momento),  de La Banda Sin Futuro(o outro proxecto dos membros de Derribos Arias), única testemuña auditiva do bó facer do combo en canto a punk, post-punk, after-punk…ou coma queiras chamar as marcianadas do xenial e histriónico Poch e compañía. Tamén un single con catro temas de Glutamato Ye-ye, un  de Eskorbuto cos temas “Ya no quedan más cojones” e “Los polvos, la sangre, los muertos”(sacados daquela mítica cinta), catro temas de Paraíso, ou o single dos xeniais Dustafonics, co tema estrela “The Jinx”(podedes ver o video do tema deseguido) en versión standar e instrumental máis un tema extra, entre outras lambetadas vinílicas que podedess atopar na súa web:Munsterama

-Os remozados Corrosion of Conformity, editaron o seu  novo e autotitulado traballo discográfico, o primeiro dende o  xenial “In the arms of god” do 2005 aínda con Pepper keenan nas súas filas. Lembrade que a banda volveu coa súa formación orixinal, a que gravou discos básicos do crossover coma “Animosity” ou “Technocracy”: Reed Mullin  á batería, Mike Dean ao baixo e voz, e Woody Weatherman as guitarras. O disco foi editado en versión CD e dobre LP, é musicalmente supón unha volta ao seu son primixenio mesturado coas súas características referencias sabbathianas. A continuación o videoclip do primer single do disco…

Máis info: http://www.coc.com/

-Lobishome é un trio de animais musicais que editaron o 01/01/2012 a súa primeira referencia discográfica titulada, “Los seres extraños que habitan tu mente”, onde despregan un son garaxeiro-surfeiro, que tanto pode recordarche aos Dead Kennedys coma bandas de cariz máis pop, sempre sen abandoar a suciedade e unha urxencia que invita ao desmelene psicotrópico e ao baile mega-epiléptico. Nove temas compoñen esta primeira andanada sónica da banda de Montalvo que podes escoitar en http://lobishome.bandcamp.com/album/los-seres-extra-os-que-habitan-tu-mente.

-Supoño que a maioría de vos xa o saberedes, pero o maior reclamo do Azkena Rock Festival para a edición deste ano 2012 ao meu xeito de ver, ou sexa o regreso da formación orixinal de Black Sabbath aos escenarios, e por riba presentando un novo traballo discográfico, foise a merda por mor do linfoma contra o que está loitando Tony Iommi, guitarra da mítica formación. O seu posto no cartel do festival e sustituido por un Ozzy & Friends que da máis medo que xenera boas expectativas. Agardemos que a cousa sexa temporal e poidamos desfrutar ao vivo da lexendaria banda máis aló do seu confirmado concerto no Download.

Telephones Rouges, que coma saberedes rematan de editar un 7″ compartido cos barceloneses Piñata, están presentando o seu novo traballo ao vivo, que os levara o vindeiro venres 9 de marzo á Sala Moon de Compostela, na compaña de Ocler Delalün e o 10 de marzo xunto con Wild Balbina na Mondo Club de Vigo, ambos concertos cunha entrada a un prezo de 6€. Asistencia imprescindible!
Para máis info ou escoitar música da banda: http://telephonesrouges.bandcamp.com/

Voltaica, continúan coa xira “Errante” presentando o seu novo EP na Sala Karma de Pontevedra o próximo sábado 3 de Marzo.
Voltaica irrumpe na escena nacional con Errante, o novo EP co que a banda galega establece unha nova dimensión musical dentro do punk máis ruidoso. O xogo de sintetizadores e a rabia de fuzz eríxense como a parte máis crúa do seu son mentres que a base rítmica, contundente e de gran intensidade, da soporte a momentos que van do visceral ó melódico.
Errante reafirma así o enfoque noise do punk-rock que a banda pon sobre o escenario con claros ecos a vertente garage. A potencia e o desgarro emocional dan sentido á atmosfera articulada por este grupo que reaparece como unha das propostas máis interesantes no panorama musical.

Despois da produción deste novo traballo, a banda arranca coa Xira Errante 2011- 2012 para presentar o seu novo EP e impactar co seu directo. Actitude e altas dose de enerxía tradúcense nun son compacto que golpea o
espectador. Forza e emoción invaden, involucran e sorprenden en cada nova cita sobre o escenario.
Nos próximos meses a banda recorrerá toda a península ofrecendo os concertos que serán a antesala do novo disco que gravarán en 2012.
VOLTAICA + SALVATION ARMY
DATA: Sábado 3 de Marzo 2012
LUGAR: Sala Karma (Pontevedra)
HORA: 22:00 horas
PREZO: 6 €
VOLTAICA
DATA: Viernes 30 de Marzo 2012
LUGAR: A Baranda (Barco de Valdeorras)
HORA: 00:00 horas
PREZO: 3 €

Máis info: https://www.facebook.com/voltaicamusic

Adianto de Killing Joke e Ministry!

Publicado: 09/02/2012 en Novas

Os imprescindibles Killing Joke, revitalizados coa volta da súa formación primixienia, editaran o vindeiro 2 de abril o seu novo disco  titulado “2012”. Deseguido podedes escoitar “Rapture, o  tema de  adianto que teñen a ben ofrecernos.

Ministry(ou Al Jourgensesn) tamén adiantou un tema do que será o seu novo traballo de volta ao mundo dos vivos, “Relapse”. O tema títulase “99%”, e podedes escoitalo a continuación.O disco editaráse o vindeiro 3 de marzo a trvés de 13th Planet Records.

Os Twin tones visitan Galiza!!

Publicado: 09/02/2012 en Concertos, Novas

  A banda instrumental mexicana de rock-surf-tex-mex-spaghetti western…(xa sabedes por onde vou), moi influenzada pola música de Ennio Morricone, visita Galiza para presentarnos o seu ultimo traballo, Trio de mercenarios.

Tanto se gustades deses estilos coma se non, aconsello acudir ao evento, porque tanto os seus temas propios coma as versións que fan, sobresaen, e moito, no as veces standarizado e mediocre mundo da música surf-rock instrumental e derivados.

As datas, o 10 de febreiro na Playmóvil de Vigo e o sábado  11 de febreiro na Sala Moon de Compostela.
Aquí tendes un reportaxe sobre eles, incluindo unha entrevista.
Máis info: http://www.twintones.com.mx/

-Comezamos con regresos, Os Resentidos, a mítica banda liderada por Antón Reixa(que coma sabedes podería converterse no próximo presidente da SGAE), cumpren 30 anos no 2012 e festexarano cun concerto en Ourense o vindeiro 12 de maio, segundo fixeron público no Twitter. Novedades Carminha e os Sonoro Maxín serán os teloneiros da banda viguesa,  nas instalacións de Expourense.
-Outro regreso moi agardado é o de Os Heredeiros da Crus, que coma sabedes volverán a pisar xuntos un escenario o vindeiro 3 de marzo en Ordes, na discoteca LP45, no ano en que se cumpren vinte anos dende a formación da banda. A continuidade ou non da banda despois deste concerto, e segundo declaracións dos seus integrantes, dependerá da resposta do público, co cal están abertas todas as posibilidades, incluso a gravación dun novo disco. Mentres tanto, o seguro é este concerto na LP45 a partires das 22:00 h. Podedes mercar as entradas en ticketmaster. Máis info: www.volvenosmaisjrandes.com e no Facebook.

-Novas confirmacións para o Azkena rock festival, o festival gasteizarra que este ano estará encabezado por Black Sabbath e Lynyrd Skynyrd, confirma unha listaxe de 13 novas bandas a engadir, entre outras  My morning jacket, Blue Öyster cult, Dropkick Murphy’s, North Mississippi Allstars Duo, Pentagram, Danko Jones…Lembrade que o festival tera lugar os vindeiros 14,15 e 16 de xuño, no Mendizabala de Vitoria- Gasteiz.

-Mastodon rematan de publicar un videoclip do tema “Dry Bone Valley” incluido na súa ultima referencia discográfica, “The hunter”. Desfrutadeo deseguido..

-Este mes de febreiro veñe cargado de concertos, aquí tendes unha lista dalgúns deles, cortesía do blogue galego Malasmusicas, que recomendo que visitedes:
2 de febreiro, xoves:

– The Gift (Teatro Principal, Compostela)

– Snatch (Glasgow, Sanxenxo)

3 de febreiro, venres:

– Silvia Penide (Sala Garufa, A Coruña)

– Smile (Sala Mardi Gras, A Coruña)

– Carlos Chaouen + Cesar de Centi (Le Club, A Coruña)

– Leilía (Teatro Rosalía, A Coruña)

– Warhead + Bulldozer (Sala Filomatic, A Coruña)

– Cats and Monkeys (Club Cachán, Compostela)

– Ellos y las Orgánicas (La Iguana Club, Vigo)

– Polock (La Fábrica de Chocolate, Vigo)

– Dúo Kie (Sala La Vaca, Ponferrada)

4 de febreiro, sábado:

– Anterga + Mimo (Sala Mardi Gras, A Coruña)

– Le Cûl + Los Santos (Garufa, A Coruña)

– Sidonie (Sala La Vaca, Ponferrada)

6 de febreiro, luns:

– Instrumental… Querido Watson (A Reixa, Compostela)

– Duo Kie + Track Asedio + Bertoh, Senico & DJ.Frasi + As (El Infierno, Vigo)

– Zenttric + DJ Mister Teaser (La Fábrica de Chocolate, Vigo)

– Kain + To Nowhere + Skydancer (La Iguana Club, Vigo)

– Kambotes (Besto Bravo, Chantada)

– Nhio + Santos Morcegos (Pub Carteles, Ferrol)

7 de febreiro, martes:

– The Fleshtones (Sala Mardi Gras, A Coruña)

8 de febreiro, mércores:

– The Last Vegas (Sala Mardi Gras, A Coruña)

– The Fleshtones (Sala Moon, Compostela)

9 de febreiro, xoves:

– Rivulets (Cachán, Compostela)

– Misfits (Sala Capitol, Compostela)

– B.B. David & The Smokers (La Fábrica de Chocolate, Vigo)

10 de febreiro, venres:

– Big City + Artista Invitado (Sala Mardi Gras, A Coruña)

– Corizonas (Sala Capitol, Compostela)

– Franc3s + Sector de Agitadas (La Fábrica de Chocolate, Vigo)

– Fantasmage + Srasrsra (La Iguana Club, Vigo)

– Dakidarría + Skandalo Gz (Sala Nueve Nueve, Ponteareas)

11 de febreiro, sábado:

– Russian Red + Jane Joyd (Centro Cultura Ágora, A Coruña)

– Pülsar + Elvira (Sala Mardi Gras, A Coruña)

– The Buzzos (A Reserva, Carballo)

– The Idan Raichel Project (Auditorio de Galiza, Compostela)

– Machina + Berri Txarrak (Capitol, Compostela)

– Hamlet (Mondo Club, Vigo)

– Eladio y los Seres Queridos (La Fábrica de Chocolate, Vigo)

– Ñu (Sala La Vaca, Ponferrada)

12 de febreiro, domingo:

– Thin Lizzy (Sala Capitol, Compostela)

15 de febreiro, luns:

– Algodón Egipcio (La Casa de Arriba, Vigo)

16 de febreiro, xoves:

– Tarja (Sala Capitol, Compostela)

– Leilía (Auditorio Gustavo Freire, Lugo)

17 de febreiro, venres:

– Samesugas + The Fuzzbombs (Sala Mardi Gras, A Coruña)

– Nada Surf + Maryland (Sala Capitol, Compostela)

– Telephones Rouges + Disco Las Palmeras! + Colectivo Oruga (Sala Karma, Pontevedra)

– II Air guitar Contest – Bacstage (La Iguana Club, Vigo)

18 de febreiro, sábado:

– Sidonie (Sala Capitol, Compostela)

– Pito de Pikasso + SinArreglo (Sala Moon, Compostela)

– Linda Guilala + When Nalda Became Punk (Playmovil, Vigo)

– Dune + Dr. Bourbon + Xeomantica (La Iguana Club, Vigo)

20 de febrero, luns:

– The Vegabonds (Sala Mardi Gras, A Coruña)

21 de febreiro, martes:

– Sights & Sounds + Constants (La Fábrica de Chocolate, Vigo)

22 de febreiro, mércores:

– Circio (Teatro Principal, Compostela)

– La Pegatina (Café Cultura Auriense, Ourense)

23 de febreiro, xoves:

– La Pegatina (Sala Capitol, Compostela)

– Bigott (Cafe & Pop Torgal, Ourense)

24 de febreiro, venres:

-Esquíos (Dos de Mayo, Aldán)

– Nach (Ola Green, A Coruña)

– Silvia Penide (Sala Clavicémbalo, Lugo)

– Standstill (Sala Capitol, Compostela)

– La Pegatina (La Fábrica de Chocolate, Vigo)

– Bigott (Mondo Club, Vigo)

– Saldos Arias + Rocking for Tangas (La Iguana Club, Vigo)

– Kambotes (Pub Osíxeno, Celanova)

25 de febreiro, sábado:

– Bigott (Le Club, A Coruña)

– Kiko Veneno + Iván Ferreiro (Teatro Jofre, Ferrol)

– Tora Tora Tora + Fantasmage + Los Cafres (Sala Karma, Pontevedra)

– Diamond Dogs + Artista Invitado (Sala Capitol, Compostela)

– Silvia Penide (Café La Historia, Vigo)

– Oker + Soldier + 2 bandas locais (La Iguana Club, Vigo)

– Nach (Mondo Club, Vigo)

– Soziedad Alkoholika (Sala La Vaca, Ponferrada)

29 febreiro, mércores:

– Neuman (La Kasona, Pontevedra)

Homenaxe a Fraga….por Micropuntos

Publicado: 17/01/2012 en Novas

Micropuntos era un grupo no que eu tocaba a guitarra alá no Barco de Valdeorras. Facíamos unha versión dun clásico radikal donde os haxa…quen non ten escoitado ese himno antisitema…ese berro contra o poder que foi, é e sempre será…”La abeja Maya”?. O tema figuraba en dúas das nosas gravacións, unha das cales foi editada polo selo madrileño W.C. Records. Está versión é a ultima, gravada no ano 2000 con Arturo Vaquero, coma parte dun feixe de temas(Nuestro futuro, ía chamarse o disco) cos cales acadamos un contrato de edición coa TIPO… que non cumprimos nós por que nos separamos(???!!!).Eran outros tempos. Espero que vos guste…Este é o meu derradeiro homenaxe a Fraga…

Se queredes escoitar o disco, baixadeo de:
http://otoxorabudonetlabel.blogspot.com/2010/02/micropuntos-nuestro-futuro-2000.html